ഗോവര്‍ദ്ധനോദ്ധാരണവര്‍ണ്ണനം
ശ്ലോകം 1 മുതൽ 10 വരെ
ശ്ലോകം :- 63 / 1
*****************
ദദൃശിരേ കില തത്ക്ഷണമക്ഷത
സ്തനിത ജൃംഭിത കമ്പിത ദിക്തടാഃ
സുഷമയാ ഭവദംഗതുല‍ാം ഗതാഃ
വ്രജപദോപരി വാരിധാരസ്ത്വയാ
അർത്ഥം:-
***********
പെട്ടെന്നു ഗോകുലത്തിന്റെ മേല്‍ഭാഗത്തി‍ല്‍ ഇടവിടാതെയുള്ള ഇടിമുഴക്കം കൊണ്ട് എട്ടുദിക്കുകളേയും ഇളകിമറിക്കുന്നവയും വര്‍ണ്ണശോഭകൊണ്ട് അങ്ങയുടെ ശരീരകാന്തിയോടു കിടപിടിക്കുന്നവയുമായ കാര്‍മേഘങ്ങള്‍ നിന്തിരുവടിയാ‍ല്‍ കാണപ്പെട്ടുവല്ലോ.
ശ്ലോകം :- 63 / 2
*****************
വിപുലകരമകിശ്രൈഃ തോയധാരനിപാതൈഃ
ദിശി ദിശി പശുപാന‍ാം മണ്ഡലേ ദണ്ഡ്യമാനേ
കുപിത ഹരി കൃതാന്നഃ പാഹി പാഹീതി തേഷ‍ാം
വചനമജിത ! ശൃണ്വന്‍ മാ ബിഭീതേത്യഭാണീഃ
അർത്ഥം :-
*************
വലിയ ആലിപ്പഴങ്ങളോടുകൂടിയ ജലധാരകളുടെ ഊക്കോടെയുള്ള പതനംകൊണ്ട് എല്ലാ ദിക്കിലും ഗോപസമൂഹം പീഡിപ്പിക്കപ്പെടവേ, ക്രുദ്ധനായ ഇന്ദ്രനാല്‍ ചെയ്യപ്പെട്ട ഈ ഘോരവര്‍ഷത്തില്‍നിന്ന് ഞങ്ങളെ രക്ഷിക്കണേ, രക്ഷിക്കണേ, എന്നിങ്ങിനെയുള്ള അവരുടെ മുറവിളി കേട്ട്, ഭഗവന്‍! “ഭയപ്പെടാതിരിപ്പിന്‍” എന്നിങ്ങിനെ നിന്തിരുവടി അരുളിച്ചെയ്തു.
ശ്ലോകം :- 63 / 3
*****************
കുല ഇഹ ഖലു ഗോത്രോ ദൈവതം, ഗോത്രശത്രോഃ വിഹതിമിഹ സ രുന്ധ്യാത് കോ നു വഃ സംശയോസ്മിന്‍ ?
ഇതി സഹസിതവാദീ ദേവ !ഗോവര്‍ദ്ധാനാദ്രിം
ത്വരിതമുദമുമുലോ മൂലതോ ബാലദോര്‍ഭ്യ‍ാം
അർത്ഥം :-
************
ഈ ഗോകുലത്തിന്നവട്ടെ ഗോത്ര (ഗോവര്‍ദ്ധനപര്‍വ്വത) മാണല്ലോ വരദൈവം. ഗോത്രശത്രുവായ ഇന്ദ്രന്റെ ഈ ദ്രോഹത്തെ ആ പര്‍വ്വതം തടുത്തുകൊള്ളും, നിങ്ങള്‍ക്കു ഈ കാര്‍യ്യത്തില്‍ സംശയമെന്തിന്നു? ഹേ ഭഗവാനേ! നിന്തിരുവടി ഇപ്രകാരം മന്ദഹാസംചെയ്തുകൊണ്ടരുളിചെയ്തിട്ട് ഉടന്‍തന്നെ പിഞ്ചുകൈകള്‍കൊണ്ട് ഗോവര്‍ദ്ധന പര്‍വ്വതത്തെ അടിയോടെ പുഴക്കിയെടുത്തു.
ശ്ലോകം :- 63 / 4
*****************
തദനു ഗിരിവരസ്യ പ്രോദ്ധൃതസ്യാസ്യ താവത്
സികതിലമൃദുദേശേ ദുരതോ വാരിതാപേ
പരികര പരിമിശ്രാന്‍ ധേനുഗോപാനധസ്താത്
ഉപനിദധദധത്ഥാഃ ഹസ്തപദ്മേന ശൈലം
അർത്ഥം :-
************
അതിന്നുശേഷം എടുത്തുയര്‍ത്തപ്പെട്ട ഈ പര്‍വ്വതത്തിന്റെ മണല്‍കൊണ്ടു മൃദുവായ പ്രദേശത്തോടുകൂടിയതായി ദൂരത്തുതന്നെ ജലത്തെ തടുത്തുനിര്‍ത്തുന്നതായ കീഴഭാഗത്തില്‍ എല്ലാവിധ ജീവിതോപകരണങ്ങളോടുംകൂടി പശുക്കളേയും ഗോപന്മാരേയും ഒതുക്കിനിര്‍ത്തിക്കൊണ്ട് നിന്തിരുവടി കരപങ്കജത്താല്‍ പര്‍വ്വതത്തെ ഒരു കുടയെന്നതു പോലെ എടുത്തുപിടിച്ചുകൊണ്ടിരുന്നു.
ശ്ലോകം :- 63 / 5
*****************
ഭവതി വിധൃതശൈലേ ബാലികാഭിര്‍ വയസ്യൈഃഅപി വിഹിതവിലാസം കേളിലാപാദിലോലേ സവിധ മിളിത ധേനുഃ ഏകഹസ്തേന കണ്ഡുയതി സതി, പശുപാലാഃ തോഷമൈഷന്ത സര്‍വ്വേ
അർത്ഥം :-
************
നിന്തിരുവടി പര്‍വ്വതത്തെയെടുത്തുകൊണ്ട് നില്‍ക്കവെതന്നെ ഗോപകന്യകമാരോടും സമവയസ്കന്മാരായ ഗോപകുമാരന്മാരോടും കടാക്ഷാദി ലീലാവിലാസങ്ങളെ പ്രകടിപ്പിച്ചുകൊണ്ട് നേരംപോക്കുകള്‍ പറഞ്ഞുരസിക്കുന്നതില്‍ കൗതുകത്തോടു കൂടിയവനായി അടുത്തുവന്നു കൂടിനില്‍ക്കുന്ന പശുക്കളെ ഒരു കൈകൊണ്ട് ചൊറിഞ്ഞുകൊടുത്ത് തടവിക്കൊണ്ടും നില്ക്കവെ ഗോപന്മാരെല്ലാവരും അത്യധികം സന്തോഷിച്ചു.
ശ്ലോകം :- 63 / 6
*****************
അതിമഹാന്‍ ഗിരിരേഷ വാമകേ കരസരോരുഹി തം ധരതേ ചിരം
കിമിദമദ്ഭുതമദ്രിബലം ന്വിതി ത്വദവലോകിഭിരാകഥി ഗോപകൈഃ
അർത്ഥം :-
************
ഈ പര്‍വ്വതം വളരെ വലിയതാണ്; എന്നിട്ടും ഇവന്‍ അതിനെ ഇടത്തെ കരപങ്കജത്തില്‍ വളരെ നേരമായി ധരിച്ചുകൊണ്ടിരിക്കുന്നുവല്ലൊ! ഇതെന്തൊരാശ്ചര്‍യ്യമാണ് ! ഈ പര്‍വ്വതത്തിന്റെ ശക്തികൊണ്ടു തന്നെയായിരിക്കുമോ (ഉയര്‍ന്നു നില്ക്കുന്നതു?) എന്നിങ്ങിനെ നിന്തിരുവടിയെ നോക്കിശ്രദ്ധിച്ചുകൊണ്ടിരുന്ന ഗോപന്മാരാല്‍ അഭിപ്രായപ്പെടപ്പെട്ടു.
ശ്ലോകം :- 63 / 7
*****************
അഹഹ ധാര്‍ഷ്ട്യമമുഷ്യ വടോര്‍ഗ്ഗിരിം
വ്യഥിതബാഹുരസാവവരോപയേത്
ഇതി ഹരിസ്ത്വയി ബദ്ധവിഗര്‍ഹണോ
ദിവസ സപ്തകമുഗ്രമവര്‍ഷയത്
അർത്ഥം :-
*************
ഈ കന്നുകാലിചെറുക്കന്റെ ധിക്കാരം കേമംതന്നെ! ഇവന്‍ കൈ കുഴയുമ്പോ‍ള്‍ പര്‍വ്വതത്തെ താഴെ വെക്കും എന്നിങ്ങിനെ വിചാരിച്ച് ദേവേന്ദ്ര‍ന്‍ അങ്ങയെ നിന്ദിച്ചുകൊണ്ട് ഏഴു ദിവസങ്ങള്‍ മുഴുവനും അതികഠിനമായി മഴ പെയ്യിച്ചു.
ശ്ലോകം :- 63 / 8
*****************
അചലതി ത്വയി ദേവ ! പദാത്പദം
ഗളിത സര്‍വ്വജലേ ച ഘനോത്കരേ
അപഹൃതേ മരുതാ, മരുത‍ാം പതിഃ
ത്വദഭിശങ്കിത-ധീഃസമുപാദ്രവത്
അർത്ഥം:-
************
ഭഗവാനേ! നിന്തിരുവടി വെച്ചകാല്‍ ഇളക്കാതെയും കാര്‍മ്മേഘസമൂഹം വെള്ളമെല്ല‍ാം പെയ്തൊഴിഞ്ഞ് കാറ്റിനാല്‍ അകറ്റപ്പെടുകയും ചെയ്യവേ ദേവേന്ദ്ര‍ന്‍ നിന്തിരുവടിയിലുണ്ടായ ശങ്കയോടുകൂടിയവനായി തന്റെ ഉദ്ദേശത്തില്‍ നിന്നു ഒഴിഞ്ഞുമാറി.
ശ്ലോകം :- 63 / 9
*****************
ശമമുപേയുഷി വര്‍ഷഭരേ തദാ
പശുപധേനുകുലേ ച വിനിര്‍ഗ്ഗതേ
ഭുവി വിഭോ സമുപാഹിത ഭുധരഃ
പ്രമുദിതൈഃ പശുപൈഃ പരിരേഭിഷേ
അർത്ഥം:-
************
ആ സമയം വര്‍ഷാധിക്യം അടങ്ങുകയും ഗോപന്മാരും പശുക്കളും പുറത്തേക്കുവരികയും ചെയ്തപ്പോള്‍, ഹേ പ്രഭോ ! ഭൂതലത്തില്‍ യഥാസ്ഥാനം ഗോവര്‍ദ്ധനത്തെ ഇറക്കിവെച്ച നിന്തിരുവടി സന്തുഷ്ടരായ ഗോപന്മാരാല്‍ ആലിംഗനം ചെയ്യപ്പെട്ടു.
ശ്ലോകം :- 63 / 10
******************
ധരണിമേവ പുരാ ധൃതവനാസി
ക്ഷിതിധരോദ്ധരണേ തവ കഃശ്രമഃ?
ഇതി നുതസ്ത്രിദശൈഃ കമലാപതേ !
ഗുരുപുരാലയ ! പാലയ മ‍ാം ഗദാത്
അർത്ഥം :-
************
ലക്ഷ്മീകാന്ത! ഗുരുവായൂരപ്പ! മുമ്പു നിന്തിരുവടി ഭൂമിയെതന്നെ ധരിച്ചിട്ടുണ്ട്. നിന്തിരുവടിക്കു ഒരു മലയെടുത്തു പൊന്തിക്കുവാന്‍ എന്താണ് പ്രയാസം? എന്നിങ്ങിനെ ദേവന്മാരാല്‍ സ്തുതിക്കപ്പെട്ട നിന്തിരുവടി എന്നെ രോഗത്തില്‍നിന്നു രക്ഷിക്കേണമെ.
ശ്രീമദ് നാരായണീയം ഗോവര്‍ദ്ധനോ ദ്ധാരണവര്‍ണ്ണനം എന്ന അറുപത്തി മൂന്ന‍ാംദശകം സമാപ്തം
ഓം നമോ നാരായണായ
No comments:
Post a Comment